ସୋସିଆଲ ମିଡ଼ିଆରେ ଭ୍ରାନ୍ତ ରାଜନୈତିକ ବିଜ୍ଞାପନ ରୋକିବାକୁ ‘ମେଟା’ ନୂତନ ନୀତି ପ୍ରବର୍ତ୍ତନ ଘୋଷଣା

ପରିବର୍ତ୍ତିତ ଟେକନୋଲୋଜି :
ସୋସିଆଲ ମିଡ଼ିଆରେ ଭ୍ରାନ୍ତ ରାଜନୈତିକ ବିଜ୍ଞାପନ ରୋକିବାକୁ ‘ମେଟା’ ନୂତନ ନୀତି ପ୍ରବର୍ତ୍ତନ ଘୋଷଣା

• ସାଧାରଣତଃ ନିର୍ବାଚନ ଫଳାଫଳକୁ ପ୍ରଭାବିତ କରିବା ପାଇଁ ବିଭିନ୍ନ ଦେଶର ରାଜନୈତିକ ଦଳ ଗୁଡ଼ିକ ସୋସିଆଲ ମିଡ଼ିଆରେ ଭ୍ରାନ୍ତ ରାଜନୈତିକ ବିଜ୍ଞାପନ ଦେଇ ଆସୁଥିଲେ । ସଂପ୍ରତି ପାରମ୍ପାରିକ ମିଡ଼ିଆ ତୁଳନାରେ ସୋସିଆଲ ମିଡ଼ିଆ ଅଧିକ ପ୍ରଭାବଶାଳୀ ଗଣ ମାଧ୍ୟମ ପ୍ରମାଣିତ ହୋଇଥିବାରୁ ଏହା ରାଜନୈତିକ ଫଳାଫଳକୁ ପ୍ରଭାବିତ କରିବାର ସାମର୍ଥ୍ୟ ରଖେ ।ଏହାର ସୁଯୋଗ ନେଇ ବିଭିନ୍ନ ରାଜନୈତିକ ଦଳ ଗୁଡ଼ିକ ଅର୍ଦ୍ଧସତ୍ୟ ଓ ଭ୍ରାନ୍ତ ରାଜନୈତିକ ବିଜ୍ଞାପନ ଦେଇ ଜନମତକୁ ବିଭ୍ରାନ୍ତ କରୁଥିଲେ ।ଏହା ଫଳରେ ସୋସିଆଲ ମିଡ଼ିଆ ମଧ୍ୟ କ୍ରମେ ତାର ନିରପେକ୍ଷତା ଓ ବିଶ୍ୱସ୍ତନୀୟତା ହରାଇବାକୁ ବସିଥିଲା । ଏହା ଫଳରେ ଫେସବୁକ, ଇନଷ୍ଟାଗ୍ରାମ, ହ୍ୱାଟସଏପ ଏବଂ ମେସେଞ୍ଜର ପରି ସାମାଜିକ ଗଣମାଧ୍ୟମକୁ ପରିଚାଳନା କରୁଥିବା ମୂଳ ସଂସ୍ଥା ‘ମେଟା ଟେକନୋଲୋଜି’ ଆଜି ତାର ନୂତନ ବିଜ୍ଞାପନ ନୀତି ଘୋଷଣା କରିଛି ।ଏହା ଫଳରେ ଆର୍ଟିଫିସିଆଲ ଇଣ୍ଟେଲିଜନ୍ସ ସହାୟତାରେ ପ୍ରସ୍ତୁତ ରାଜନୈତିକ ବିଜ୍ଞାପନରେ ଭୁଲ ତଥ୍ୟକୁ ମୁକାବିଲା କରିବା ପାଇଁ ମେଟା ନୂତନ ନୀତି ପ୍ରବର୍ତ୍ତନ କରିଥିବା ଜଣାଯାଏ । ଏତଦ୍ୱାରା ରାଜନୈତିକ ବିଜ୍ଞାପନଦାତାମାନେ ଯେତେବେଳେ ବିଜ୍ଞାପନରେ କୃତ୍ରିମ ବୁଦ୍ଧିମତା (ଏ.ଆଇ) କିମ୍ବା ଡିଜିଟାଲ୍ ମନିପୁଲେସନ୍ ବ୍ୟବହାର କରିବେ ସେତେବେଳେ ପ୍ରକାଶ କରିବାକୁ ପଡିବ । ରାଜନୈତିକ ବକ୍ତବ୍ୟରେ ଅଧିକ ସତ୍ୟତା ଏବଂ ଉତ୍ତରଦାୟିତ୍ୱ ସୁନିଶ୍ଚିତ କରିବାକୁ ମେଟା ଟେକନୋଲୋଜି ଏହି ପଦକ୍ଷେପ ଗ୍ରହଣ କରିଛି ।ଏହି ନୂତନ ନୀତି ଆଗାମୀ ୨୦୨୪ ଜାନୁୟାରୀ ପହିଳାରୁ ବିଶ୍ୱବ୍ୟାପୀ ଲାଗୁହେବାକୁ ଯାଉଛି । ଏହାଫଳରେ ରାଜନୀତି, ନିର୍ବାଚନ କିମ୍ବା ସାମାଜିକ ପ୍ରସଙ୍ଗ ସହ ଜଡିତ ଯେ କୌଣସି ବିଜ୍ଞାପନରେ କୌଣସି ଡିଜିଟାଲ୍ ପରିବର୍ତ୍ତିତ ଚିତ୍ର କିମ୍ବା ଭିଡିଓର ବ୍ୟବହାର କରାଯାଇଥିଲେ ସେ ସମ୍ପର୍କରେ ବିଜ୍ଞାପନ ଦାତାଙ୍କୁ ତାହା ଘୋଷଣା କରିବାକୁ ପଡିବ । ବିଶ୍ୱ ବ୍ୟାପୀ ପ୍ରଚଳିତ ହେବାକୁ ଥିବା ଏହି ନୀତି ମାନବ ଫ୍ୟାକ୍ଟ-ଚେକର୍ ଏବଂ ଏଇ ଟେକ୍ନୋଲୋଜିର ମିଶ୍ରଣ ଦ୍ୱାରା ନିୟନ୍ତ୍ରିତ ହେବ । ମେଟା ନିଶ୍ଚିତ କରିଛି ଯେ ରାଜନୈତିକ ବିଜ୍ଞାପନରେ ସ୍ୱଚ୍ଛତାକୁ ପ୍ରୋତ୍ସାହିତ କରି ବିଜ୍ଞାପନଗୁଡ଼ିକୁ ଡିଜିଟାଲ୍ ପରିବର୍ତ୍ତିତ ଭାବରେ ଚିହ୍ନିତ କରାଯିବା ପରେ ଉପଭୋକ୍ତାମାନଙ୍କୁ ସୂଚିତ କରାଯିବ । ଏହି ନୂତନ ନୀତି କେବଳ ବିଜ୍ଞାପନଦାତା ନୁହେଁ, ସମସ୍ତ ଉପଭୋକ୍ତାମାନଙ୍କ ପାଇଁ ଆର୍ଟିଫିସିଆଲ ଇଣ୍ଟେଲିଜେନ୍ସ ମାଧ୍ୟମରେ ପ୍ରସ୍ତୁତ ‘ଡ଼ିପଫେକ’ ଉପରେ ମେଟାର ବିଦ୍ୟମାନ ନିଷେଧ ଉପରେ ନିର୍ମିତ ।ାର୍ଟିଫିସିଆଲ ଇଣ୍ଟେଲିଜେନ୍ସ ଦ୍ୱାରା ପ୍ରସ୍ତୁତ ଡ଼ିପଫେକ୍ ଯାହା ଜଣେ ସାଧାରଣ ଲୋକଙ୍କୁ ବିଶ୍ୱାସରେ ବିଭ୍ରାନ୍ତ କରିପାରେ । ଏଣୁ ମାନବ ମୁଖ ନିସୃତ ଶବ୍ଦ ଯାହା ସେମାନେ କହି ନାହାଁନ୍ତି ସେ ଗୁଡ଼ିକୁ ଅପସାରଣ କରାଯିବ ବୋଲି ମେଟା ପକ୍ଷରୁ ସୂଚନା ଦିଆ ଯାଇଛି । ମେଟାର ଅନ୍ୟ ସୋସିଆଲ ମିଡିଆ ପ୍ଲାଟଫର୍ମ, ଥ୍ରେଡସ୍‌, ଇନଷ୍ଟାଗ୍ରାମ ଭଳି ସମାନ ନୀତି ଅନୁସରଣ କରୁଥିବାରୁ ନୂତନ ନିତୀ ପ୍ରଚଳନ ପରେ ଏହାର ସୋସିଆଲ ପ୍ଲାଟଫର୍ମଗୁଡିକରେ ସ୍ଥିରତା ସୁନିଶ୍ଚିତ କରିବ ବୋଲି ମେଟା ପକ୍ଷରୁ ସୂଚନା ଦିଆ ଯାଇଛି । ଏହା ଫଳରେ ବିଜ୍ଞାପନ ଅପଲୋଡ୍ କରିବା ସମୟରେ ଡିଜିଟାଲ୍ ପରିବର୍ତ୍ତନର ବ୍ୟବହାର ପ୍ରକାଶ କରିବାରେ ବିଫଳ ହୋଇଥିବା ବିଜ୍ଞାପନଦାତାମାନେ ପ୍ରତ୍ୟାଖ୍ୟାନର ସମ୍ମୁଖୀନ ହେବେ ଏବଂ ବାରମ୍ବାର ଉଲ୍ଲଂଘନ କଲେ ସେମାନଙ୍କ ବିରୁଦ୍ଧରେ ଆର୍ନ୍ତଜାତିକ ଆଇନ ଅନୁସାରେ ଦଣ୍ଡବିଧାନ ହୋଇପାରେ ବୋଲି ସତର୍କ କରି ଦିଆଯାଇଛି ।
  ଗୁଗୁଲ ମଧ୍ୟ ଏହାର ପ୍ଲାଟଫର୍ମ ପାଇଁ ନିକଟରେ ଘୋଷିତ ସମାନ ନୀତି ସହିତ ମେଟାର ପଦକ୍ଷେପ ଆଲାଇନ୍ ହୋଇଛି । ତଥାପି, ଟିକଟୋକ ରାଜନୈତିକ ବିଜ୍ଞାପନକୁ ସମ୍ପୂର୍ଣ୍ଣ ଭାବେ ନିଷିଦ୍ଧ କରି ଏକ ଭିନ୍ନ ଉପାୟ ଅବଲମ୍ବନ କରିଥିବା ଜଣାଯାଏ ।ଆଗାମୀ ୨୦୨୪ ରେ ଭାରତ, ଇଣ୍ଡୋନେସିଆ, ଆମେରିକା, ଏବଂ ବ୍ରିଟେନ ଭଳି ଗଣତାନ୍ତ୍ରିକ ରାଷ୍ଟ୍ରଗୁଡିକରେ ପ୍ରମୁଖ ନିର୍ବାଚନ ପାଖେଇ ଆସୁଛି । ଏବଂ ଆସନ୍ତା ବର୍ଷ ଋଷ, ଦକ୍ଷିଣ ଆଫ୍ରିକା ଏବଂ ୟୁଏଇରେ ନିର୍ବାଚନ ହେବାର ସମ୍ଭାବନା ରହିଛି । ମାତ୍ର କୃତ୍ରିମ ବୁଦ୍ଧିମତା ସହାୟତାରେ ଡ଼ିପ ଫେକ ପଦ୍ଧତିରେ ପ୍ରସ୍ତୁତ ଭିଡ଼ିଓ ଗୁଡ଼ିକରେ ଜଣେ ବ୍ୟକ୍ତି ନ କହିବା କଥା କହିବା ସମ୍ଭବ ହେଉଥିବାରୁ ବିଶ୍ୱ ରାଜନିତୀରେ ଡ଼ିପ ଫେକର ପ୍ରଭାବ ଚିନ୍ତାର କାରଣ ସାଜିଛି ।ଡ଼ିପଫେକ ଦ୍ୱାରା ଭୁଲ ତଥ୍ୟ ବିସ୍ତାର କରିବାର ତଥା ରାଜନୈତିକ ପ୍ରକ୍ରିୟାରେ ବିଶ୍ୱାସକୁ କ୍ଷୁର୍ଣ୍ଣ କରିବାର କ୍ଷମତା ରଖିଛି । ଏହି କାରଣରୁ ‘ମେଟା’ର ନୂତନ ନୀତି ହେଉଛି ସ୍ୱଚ୍ଛତାକୁ ପ୍ରୋତ୍ସାହିତ କରିବା ଏବଂ ରାଜନୈତିକ ବିଜ୍ଞାପନର ସତ୍ୟତା ବିଷୟରେ ଉପଭୋକ୍ତାମାନଙ୍କୁ ସଶକ୍ତିକରଣ କରି ଏହି ଚିନ୍ତାଧାରାକୁ ମୁକାବିଲା କରିବା । ବିଜ୍ଞାପନଦାତାଙ୍କୁ ଏ.ଆଇ କିମ୍ବା ଡିଜିଟାଲ୍ ମନିପୁଲେସନ୍ ବ୍ୟବହାର ବିଷୟରେ ପ୍ରକାଶ କରିବାକୁ, ମେଟା ରାଜନୈତିକ କଥାବାର୍ତ୍ତାର ଅଖଣ୍ଡତାକୁ ଦୃଢ଼ କରିବାକୁ ଏବଂ ଉପଭୋକ୍ତାମାନଙ୍କୁ ବିଭ୍ରାନ୍ତକାରୀ କିମ୍ବା ପ୍ରତାରଣାକାରୀ ବିଷୟବସ୍ତୁରୁ ରକ୍ଷା କରିବାକୁ ଏହି ପଦକ୍ଷେପ ନେଇଥିବା ଜଣାପଡ଼ିଛି ।

ସୁରେନ୍ଦ୍ର ହୋତା, ସାମ୍ବାଦିକ ,ବରଗଡ଼
୧୧ ନଭେମ୍ବର ୨୦୨୩
ସମ୍ପର୍କ ୯୪୩୭୧୧୦୨୫୦