Breaking News
Home / Bhubaneswar / BJP meets Governor of Odisha on Mayurbhanj issue

BJP meets Governor of Odisha on Mayurbhanj issue

ମୋଦିଜୀଙ୍କ ଗରୀବ ଓ ଆଦିବାସୀ କଲ୍ୟାଣ କାର୍ଯ୍ୟକ୍ରମକୁ ଲାଗୁ କରିବା ପାଇଁ କହିବାରୁ ନିର୍ବାଚିତ ପ୍ରତିନିଧିମାନଙ୍କୁ ଶାସକ ବିଜେଡି ବିଧାୟକଙ୍କ ଅବହେଳା ଓ ଅସମ୍ମାନ ପ୍ରଦର୍ଶନ : ବିଜେପି

୍ଡ ପୋଲିସ ବର୍ତମାନ ସୁଦ୍ଧା ଏତଲା ଗ୍ରହଣ ନକରିବା ଶାସକ ବିଜେଡି ଏବଂ ପୋଲସର ସଲାସୁତୁରାକୁ ସ୍ପଷ୍ଟ କରୁଛି

୍ଡ ମୟୁରଭଞ୍ଜ ଜିଲ୍ଲା ପରିଷଦ ବୈଠକରେ ନିର୍ବାଚିତ ଆଦିବାସୀ ସଦସ୍ୟଙ୍କୁ ଗାଳିଗୁଲଜ କରିବା ସହ ବିଧା ଗୋଇଠା ମାରିବା ବିଜେଡିର ଅସହିଷ୍ନୁତାକୁ ସ୍ପଷ୍ଟ କରିଛି

୍ଡ ଶାସକ ବିଜେଡିର ପ୍ରରୋଚନାରେ ଜିଲ୍ଲାପାଳ ନିଜ ସୀମା ଉଲ୍ଲଂଘନ କରି କାର୍ଯ୍ୟ କରିବା ଅଗଣତାନ୍ତ୍ରୀକ ଓ ଅସାମ୍ବିଧାନିକ

୍ଡ ରାଜ୍ୟପାଳଙ୍କୁ ଭେଟି ଘଟଣା ସଂପର୍କରେ ସ୍ମାରକ ପତ୍ର ପ୍ରଦାନ କରିବା ସହ ହସ୍ତକ୍ଷେପ କରିବାକୁ ନିବେଦନ

୍ଡ କେନ୍ଦ୍ରମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଭେଟି ଘଟଣା ସଂପର୍କରେ ଅବଗତ କଲେ ସମସ୍ତ ସଦସ୍ୟ

ଭୁବନେଶ୍ୱର, ତା.୧୫/୧୧: ରାଜ୍ୟ ସରକାରଙ୍କ ଆଦିବାସୀ, ଗରିବମାରଣ ନୀତିରେ ଅତିଷ୍ଟ ହୋଇ ପଡିଛନ୍ତି । ଅନ୍ୟ ପଟେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ପରିଚାଳିତ କେନ୍ଦ୍ର ସରକାରଙ୍କ ବିଭିନ୍ନ ଗରିବ ଓ ଆଦିବାସୀ କଲ୍ୟାଣ ଯୋଜନାର ସଫଳ କ୍ରିୟାନ୍ୱୟନରେ ପ୍ରଭାବିତ ହୋଇ ଯେତେବେଳେ ରାଜ୍ୟର ଆଦିବାସୀ ଭାଇ ଭଉଣୀମାନେ ବିଜେପି ପ୍ରତି ଆକୃଷ୍ଟ ହେବା କାରଣରୁ ଗତ ପଂଚାୟତ ନିର୍ବାଚନରେ ବିପୁଳ ସଂଖ୍ୟାରେ ଭୋଟ ଦେଇ ବିଜେପି ପ୍ରାର୍ଥୀଙ୍କୁ ଜୟଯୁକ୍ତ କରାଇଛନ୍ତି, ସେତେବେଳେ ଅସହିଷ୍ନୁ ହୋଇ ଶାସକ ବିଜେଡି ଏହି ନିରୀହ ଆଦିବାସୀମାନଙ୍କୁ ଅତ୍ୟାଚାର କରିବା ଆରମ୍ଭ କରିଦେଇଛି ।ଶ୍ରୀ ଭଞ୍ଜଦେଓ ଏବଂ ଶ୍ରୀ ମାରାଣ୍ଡିଙ୍କ ସମେତ ଗୁଣ୍ଡାଗର୍ଦ୍ଦି କରୁଥିବା ଶାସକ ବିଜେଡିର ସଦସ୍ୟଙ୍କ ସମେତ ନିଜେ ଜିଲ୍ଲାପାଳ ମହୋଦୟ ପ୍ରତିବାଦକୁ ଭୃକ୍ଷେପ ନକରି ପ୍ରତିବାଦକାରୀଙ୍କୁ ଗାଳିଗୁଲଜ କରିବା ସହ ବିଧା ଗୋଇଠା ମାରି ପଳାଇଥିଲେ । ଏପରିକି ୨ ଜଣ ଆଦିବାସୀ ମହିଳା ସଦସ୍ୟାମାନେ ମଧ୍ୟ ଏହି ଘଟଣାର ଶିକାର ହୋଇ ଆହତ ହେବା ସହ ୩ ଦିନ ଧରି ଡାକ୍ତରଖାନାରେ ରହି ଚିକିତ୍ସିତ ହୋଇଥିଲେ । ଏହି ଘଟଣା ସଂପର୍କରେ ନିର୍ବାଚିତ ଜନ ପ୍ରତିନିଧିମାନେ ଦାୟର କରିଥିବା ମାମଲାକୁ ବର୍ତମାନ ସୁଦ୍ଧା ସ୍ଥାନୀୟ ପୋଲିସ ଗ୍ରହଣ ନକରିବା ପ୍ରସଙ୍ଗ ଉଭୟ ଶାସକ ବିଜେଡି ଏବଂ ପୋଲିସ ପ୍ରଶାସନର ସଲାସୁତୁରାକୁ ସ୍ପଷ୍ଟ ଦର୍ଶାଉଛି । ଶାସକ ବିଜେଡିର ନିର୍ଦ୍ଦେଶାନୁଯାୟୀ ପୋଲିସ କାର୍ଯ୍ୟ କରୁଥିବାରୁ ଏଭଳି ଧର୍ତବ୍ୟ ଫୈାଜଧାରୀ ଅପରାଧ କରିଥିବା ଜିଲ୍ଲାର ଅର୍ଥନୈତିକ ଓ ସାମାଜିକ ବିକାଶ ପାଇଁ ନିର୍ବାଚିତ ଜିଲ୍ଲା ପରିଷଦର ନିଷ୍ପତି କ୍ରମେ ଏହାକୁ କେବଳ କାର୍ଯ୍ୟକାରୀ କରିବାର ଦାୟୀତ୍ୱ ହେଲା ଜିଲ୍ଲାପାଳଙ୍କର । ଶାସକ ବିଜେଡିର ପ୍ରରୋଚନାରେ ମୟୁରଭଞ୍ଜ ଜିଲ୍ଲା ଜିଲ୍ଲାପାଳ ମହୋଦୟ ପୂର୍ବରୁ ଅନେକ ଥର ବିଜେପିର ଜିଲ୍ଲା ପରିଷଦ ସଦସ୍ୟ ଓ ସଦସ୍ୟାଙ୍କୁ ର୍ଦୁବ୍ୟବହାର କରିବା ସହ ଆଶାଳୀନ ମନ୍ତବ୍ୟ ଦେଇଥିଲେ । ଗତ ୯ ତାରିଖରେ ଜିଲ୍ଲା ପରିଷଦର ଅଧ୍ୟକ୍ଷା ଶ୍ରୀମତୀ ସୁଜାତା ମୁର୍ମୁଙ୍କ ସଭାପତିତ୍ୱରେ ଆହୁତ ୪ର୍ଥ ବୈଠକ ସମାପ୍ତ ହେବା ପରେ ଜିଲ୍ଲାର ବିଜେଡି ବିଧାୟକ ଶ୍ରୀ ପ୍ରବୀଣ ଭଞ୍ଜଦେଓ, ଶ୍ରୀ ସୁଦାମ ମାରାଣ୍ଡି ଏବଂ ଶାସକ ବିଜେଡି ସଦସ୍ୟଙ୍କ ପ୍ରରୋଚନାରେ ଜିଲ୍ଲାପାଳ ବିଜେପି ସଦସ୍ୟ ଓ ସଦସ୍ୟାଙ୍କ ଅନୁପସ୍ଥିତିରେ ପୁଣି ଥରେ ବୈଠକ କରିଥିଲେ । ଗତ ପଂଚାୟତ ନିର୍ବାଚନରେ ଆଦିବାସୀମାନଙ୍କ ଦ୍ୱାରା ପ୍ରତ୍ୟାଖାତ ହେବା ପରେ ଶାସକ ବିଜେଡି ପୋଲିସ ଓ ପ୍ରଶାସନକୁ ଅପବ୍ୟବହାର କରି ସେମାନଙ୍କୁ ନିର୍ଯ୍ୟାତନା ଓ ଅପମାନିତ କରିବା ସହ ମରଣାନ୍ତକ ଆକ୍ରମଣ କରିବାକୁ ମଧ୍ୟ ପଛାଉନାହିଁ । ଚଳିତ ମାସ ୯ ତାରିଖରେ ବାରିପଦାଠାରେ ଅନୁଷ୍ଠିତ ମୟୁରଭଞ୍ଜ ଜିଲ୍ଲା ପରିଷଦ ବୈଠକ ସମୟରେ ଶାସକ ଦଳର ବିଧାୟକ ଓ ନେତାମାନେ ଜିଲ୍ଲାପାଳଙ୍କ ସହାୟତାରେ ବିଜେପିର ନିର୍ବାଚିତ ସଦସ୍ୟ ଓ ସଦସ୍ୟାଙ୍କୁ ଅଶ୍ରାଭ୍ୟ ଭାଷାରେ ଗାଳିଗୁଲଜ କରିବା ସହ ବିଧା ଗୋଇଠା ମାରିବା ଘଟଣା ଏହାର ଏକ ଜ୍ୱଳନ୍ତ ଉଦାହରଣ ବୋଲି ବିଧାୟକ ଦଳ ନେତା ଶ୍ରୀ କନକ ବର୍ଦ୍ଧନ ସିଂହଦେଓ କ୍ଷୋଭ ପ୍ରକାଶ କରି କହିଛନ୍ତି ।ଏଭଳି ଅଗଣତାନ୍ତ୍ରୀକ ଓ ଅସାମ୍ବିଧାନିକ ବୈଠକକୁ ବିଜେପିର ୪୭ ଜଣଙ୍କ ସମେତ ଅନ୍ୟ ୨ ଜଣକୁ ମିଶାଇ ୪୯ ଜଣ ସଦସ୍ୟ ଦୃଢ ବିରୋଧ କରି ପ୍ରତିବାଦ ଜଣାଇଥିଲେ । ଏହି ସମୟରେ ବିଧାୟକ ଅଭିଯୁକ୍ତଙ୍କ ବିରୁଦ୍ଧରେ କୈାଣସି କାର୍ଯ୍ୟାନୁଷ୍ଠାନ ଗ୍ରହଣ ସମ୍ଭବ ହେଉନାହିଁ ବୋଲି ଶ୍ରୀ ସିଂହଦେଓ କହିଛନ୍ତି । ଆଜି ଜିଲ୍ଲାର ସମସ୍ତ ଜିଲ୍ଲା ପରିଷଦ ସଦସ୍ୟ ଓ ସଦସ୍ୟାଙ୍କ ସମେତ ଜିଲ୍ଲାଧ୍ୟକ୍ଷା ଶ୍ରୀମତୀ ମୁର୍ମୁ, ଉପଧ୍ୟକ୍ଷ ଶ୍ରୀ ନରେନ୍ଦ୍ର ସାହୁ ପ୍ରମୁଖ ବିଧାୟକ ଦଳ ନେତା ଶ୍ରୀ କନକ ବର୍ଦ୍ଧନ ସିଂହଦେଓଙ୍କ ନେତୃତ୍ୱରେ ରାଜ୍ୟ ବିଜେପିର ଏକ ଉଚ୍ଚସ୍ତରୀୟ ପ୍ରତିନିଧି ଦଳ ରାଜଭବନକୁ ଯାଇ ମାନ୍ୟବର ରାଜ୍ୟପାଳଙ୍କୁ ସାକ୍ଷାତ କରି ଏକ ସ୍ମାରକ ପତ୍ର ପ୍ରଦାନ କରିଛନ୍ତି । ଘଟଣାରେ ଅଭିଯୁକ୍ତ ବିଧାୟକ ଶ୍ରୀ ଭଞ୍ଜଦେଓ, ଶ୍ରୀ ମାରାଣ୍ଡିଙ୍କ ସମେତ ଜିଲ୍ଲାପାଳଙ୍କ ବିରୁଦ୍ଧରେ ଫୈାଜଧାରୀ ମାମଲା ରୁଜୁ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ, ନିର୍ବାଚିତ ପରିଷଦର କାର୍ଯ୍ୟକଳାପରେ ଜିଲ୍ଲାପାଳ ହସ୍ତକ୍ଷେପ ନକରିବାକୁ ମୁଖ୍ୟ ଶାସନ ସଚିବ, ଗୃହ ସଚିବ, ପଂଚାୟତ ରାଜ ବିଭାଗ ସଚିବଙ୍କ ସମେତ ପୋଲି ମହାନିର୍ଦ୍ଦେଶକଙ୍କୁ ରିପୋର୍ଟ ତଲବ କରିବା ସହ ଏହି ଘଟଣାରେ ରାଜ୍ୟପାଳ ମହୋଦୟ ହସ୍ତକ୍ଷେପ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅନୁରୋଧ କରାଯାଇଛି । ଘଟଣାର ଅନୁସନ୍ଧାନ କରିବା ସହ ଯଥାର୍ଥ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ରାଜ୍ୟପାଳ ମହୋଦୟ ସମସ୍ତ ନିର୍ବାଚିତ ସଦସ୍ୟ ଓ ସଦସ୍ୟାଙ୍କୁ ନିର୍ଭର ପ୍ରତିଶୃତି ଦେଇଛନ୍ତି । ରାଜ୍ୟପାଳଙ୍କୁ ସାକ୍ଷାତ କରିଥିବା ଏହି ପ୍ରତିନିଧି ଦଳରେ ଶ୍ରୀ ସିଂହଦେଓଙ୍କ ସମେତ, ରାଜ୍ୟ ଉପ ସଭାପତି ସମୀର ମହାନ୍ତି, ବିଷ୍ନୁ ସେଠୀ, ରାଜକିଶୋର ଦାଶ, ରାଜ୍ୟ ସଂପାଦକ କାଳନ୍ଦୀ ସାମଲ, ମୁଖପାତ୍ର ଶ୍ରୀ ଗୋଲକ ମହାପାତ୍ର ଓ ପୀତାମ୍ବର ଆଚାର୍ଯ୍ୟ ପ୍ରମୁଖ ସାମିଲ ଥିଲେ । ଆଜି ଅପରାହ୍ନରେ ଏହି ପ୍ରତିନିଧି ଦଳ ମାନ୍ୟବର କେନ୍ଦ୍ର ପେଟ୍ରୋଲିୟମ ଓ ପ୍ରକୃତିକ ବାଷ୍ପ ଏବଂ ଦକ୍ଷତା ବିକାଶ ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଭେଟି ଘଟଣା ସଂପର୍କରେ ଅବଗତ କରାଇବା ସହ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ । ଏହି ଅବସରରେ ବିଧାୟକ ଦଳ ନେତା ଶ୍ରୀ କନକ ବର୍ଦ୍ଧନ ସିଂହଦେଓ, ବିଜେପି ରାଜ୍ୟ ଉପ ସଭାପତି ସମୀର ମହାନ୍ତି, ବିଷ୍ନୁ ସେଠୀ ଓ ରାଜକିଶୋର ଦାଶ, ରାଜ୍ୟ ସାଧାରଣ ସଂପାଦକ ଭୃଗୁ ବକ୍ସିପାତ୍ର, ମୁଖପାତ୍ର ଗୋଲକ ମହାପାତ୍ର ଓ ପୀତାମ୍ବର ଆଚାର୍ଯ୍ୟ, ମୟୁରଭଞ୍ଜ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ସୁଜାତା ମୁର୍ମୁ, ଉପାଧ୍ୟକ୍ଷ ନରେନ୍ଦ୍ର ସାହୁ, ମୟୁରଭଞ୍ଜ ଜିଲ୍ଲା ସଭାପତି କୃଷ୍ନଚନ୍ଦ୍ର ମହାପାତ୍ର ଓ ନବୀନ ରାମଙ୍କ ସମେତ ସମସ୍ତ ସଦସ୍ୟ ଓ ସଦସ୍ୟାମାନେ ଉପସ୍ଥିତ ଥିଲେ ।

story by jitendra sahoo

About surendrahota

Leave a Reply

%d bloggers like this:
Skip to toolbar