Breaking News
Home / Bhubaneswar / Classical Odia language Movement controversy

Classical Odia language Movement controversy

ଦଲିଲ ଚୋରିପାଇଁ ସିବିଆଇ ତଦନ୍ତ- ଦେବୀ ପ୍ରସନ୍ନ ପଟ୍ଟନାୟକ

ଓଡ଼ିଆ ଭାଷା ଶାସ୍ତ୍ରୀୟ ମାନ୍ୟତା ପାଇଲା ପରେ ମୁଁ େଯଉଁଦିନ ଦିଲ୍ଲୀରୁ ଫେରିଲି ସେଦିନ ଉଡାଜାହାଜ ଘାଟିରେ ମୋ ସାଙ୍ଗରେ ମିଶିବାକୁ ଆସିଥିବା ଲୋକଙ୍କୁ ଦେଖô ଆଶ୍ଚର୍ଯ୍ୟ ହୋଇଥିଲି େଯତିକି, ଆନନ୍ଦ ହୋଇଥିଲି ସେତିକି। ପରଦିନ ପ୍ରଥମ ସମ୍ବଦ୍ର୍ଧନା ଶ୍ରୀ ସୌମ୍ୟରଂଜନ ପଟ୍ଟନାୟକ ସମ୍ବାଦ ଅଫିସରେ ଦେଇଥିଲେ। ଏହି ଅନାକା„ିତ ସମ୍ବଦ୍ର୍ଧନା ମୋ ପକ୍ଷରେ ଗର୍ବ ଓ ଗୌରବର ବିଷୟ ଥିଲା।ଏହାର ଫଟୋ ସମ୍ବାଦରେ ବାହାରିଥିଲା।୨୧.୦୫.୨୦୧୬ ରବିବାର ସମ୍ବାଦରେ ଶ୍ରୀ ଗୌରହରି ଦାସ ଲେଖôଛନ୍ତି ସୁଭାଷ ଦେବୀପ୍ରସନ୍ନ ବିବାଦ। ଏ ମଝିରେ ଅସିତ ମହାନ୍ତିଙ୍କର ୫/୬ଟି ଲେଖା। ସୁଭାଷ ପଟ୍ଟନାୟକଙ୍କର ଅଶ୍ଲୀଳ ଭାଷାରେ ଲେଖା ବ୍ୟକ୍ତିଗତ ଗାଳି ଦିଆ ଲେଖା। ଶେଷକୁ ‘ଭାଷାବିତ୍ଦେବୀପ୍ରସନ୍ନ ପଟ୍ଟନାୟକଙ୍କ ବିରୁଦ୍ଧରେ ସରକାରୀ ଦଲିଲ ଚୋରିପାଇଁ ସିବିଆଇ ତଦନ୍ତ ଦାବି’।ପ୍ରଥମେ ଦଲିଲ ଚୋରି କଥାଟି ଦେଖାଯାଉ। େଯଉଁ ସରକାରୀ ଦଲିଲଟି ମୁଁ ଚୋରି କରି ରାମଚନ୍ଦ୍ର ଖୁଣ୍ଟିଆଙ୍କୁ ବିକିଥିବା ଅଭିେଯାଗ ହୋଇଛି କିମ୍ବା ରାମଚନ୍ଦ୍ର ଖୁଣ୍ଟିଆଙ୍କ କମିଟିର ବହି ସରକାରଙ୍କୁ ଦେଇ ଭାଷା ବେପାର କରିଥିବା ଅଭିେଯାଗ କରାଯାଇଛି, ସେହି ଉଭୟ ଦଲିଲ ମୋର ତତ୍ବାବଧାନରେ ପ୍ରସ୍ତୁତ ହୋଇଥିବା ଉଭୟ ରାମଚନ୍ଦ୍ର ଖୁଂଟିଆ ଏବଂ ଓଡ଼ିଶା ସରକାର ସ୍ବୀକାର କରିଛନ୍ତି। ଶ୍ରୀ ଅସିତ ମହାନ୍ତି ତାଙ୍କର ଗୋଟିଏ ଲେଖାରେ ଉଭୟ ଦଲିଲର ତଥ୍ୟ ୯୫ ପ୍ରତିଶତ ସମାନ ବୋଲି କହିଛନ୍ତି।ସୁଭାଷ ପଟ୍ଟନାୟକ ଓ ତାଙ୍କ ସମର୍ଥନରେ ଲେଖୁଥିବା ସାମ୍ବାଦିକମାନଙ୍କର ଗବେଷକମାନଙ୍କ ଗୋଚରାର୍ଥେ ମୁଁ କେତେକ ତଥ୍ୟ ଦେବାକୁ ଚାହେଁ। KIS ଫାଉଣ୍ଡେସନ ଛପେଇଥିବା Classical Odia ବହିରେ ରାମଚନ୍ଦ୍ର ଖୁଣ୍ଟିଆ କେତେକ ଚିଠିପତ୍ର ଛପେଇଛନ୍ତି।ଶୁକଦେବ ନନ୍ଦ, ସୂର୍ଯ୍ୟମଣି ଖୁଣ୍ଟିଆ ଓ ରାମଚନ୍ଦ୍ର ଖୁଣ୍ଟିଆଙ୍କଦ୍ବାରା ସଂକଳିତ ଓ ସଂପାଦିତ The voice of Odisha in the Parliament Vol.2 (2014). ରେ କ୍ଲାସିକାଲ ଷ୍ଟାଟସ୍ର ପରିକଳ୍ପନାରୁ ଆରମ୍ଭ କରି ପ୍ରକାଶନ ଯାଏ ସମସ୍ତ ବିବରଣୀ ଦେଇଛନ୍ତି। ରାମଚନ୍ଦ୍ର ଖୁଣ୍ଟିଆଙ୍କ ସଭାପତିତ୍ବ ଓ ଶେଖ୍ ମତଲୁବ ଅଲ୍ଲୀଙ୍କ ଆବାହକତ୍ବରେ ଗୋଟିଏ ୧୫ ଜଣିଆ କାର୍ଯ୍ୟନିର୍ବାହୀ କମିଟି  Action Committee ଓ ଦେବୀପ୍ରସନ୍ନ ପଟ୍ଟନାୟକଙ୍କ ସଭାପତିତ୍ବରେ ଗୋଟିଏ ୧୪ ଜଣିଆ ପ୍ରାରୂପ କମିଟି Drafting Committee ଗଢ଼ାଯାଇଥିଲା। ରାମଚନ୍ଦ୍ର ଖୁଣ୍ଟିଆ ୨.୯.୨୦୧୬ରେ ଏବଂ ୨୪.୧୧.୨୦୧୬ରେ ଦଲିଲର ନମୁନା କେନ୍ଦ୍ର ସଂସ୍କୃତି ବିଭାଗର କ୍ଷମତାପ୍ରାପ୍ତ ସଂସ୍ଥା ଭାବରେ କେନ୍ଦ୍ର ସାହିତ୍ୟ ଏକାଡେମିକୁ ଦେଇଥିଲେ। ଦଳମତ ନିର୍ବିଶେଷରେ ୧୬ ଜଣ ସାଂସଦଙ୍କ ଦସ୍ତଖତ ସହ ସଂପୂର୍ଣ୍ଣ ଦଲିଲଟି ୮.୫.୨୦୧୩ରେ ସାହିତ୍ୟ ଏକାଡେମି ସେକ୍ରେଟେରିଙ୍କୁ ଦେଲେ। ସେହି ଚିଠିର ନକଲରେ ସେକ୍ରେଟେରିଙ୍କ ଦସ୍ତଖତ ଓ ତାରିଖ ଅଛି।ରାଜ୍ୟ ସଂସ୍କୃତି ବିଭାଗଦ୍ବାରା ଗଠିତ ଓଡ଼ିଆ ଭାଷାର ଶାସ୍ତ୍ରୀୟମାନ୍ୟତା ବିଷୟକ ଗବେଷଣା କମିଟି ବୈଠକର ବିବରଣୀ ତାରିଖ ୦୬.୦୩.୨୦୧୩, ସ୍ଥାନ ରାଜ୍ୟ ଅଭିଲେଖାଗାର ଭୁବନେଶ୍ବରରେ ଲେଖା ଯାଇଛି େଯ, ‘ ଡକ୍ଝର ଦେବୀ ପ୍ରସନ୍ନ ପଟ୍ଟନାୟକଙ୍କଦ୍ବାରା ପ୍ରସ୍ତୁତ ରିପୋର୍ଟ ଡକ୍ଝର ସୁବ୍ରତ କୁମାର ପୃଷ୍ଟି ପାଠ କରିଥିଲେ। ଏହି ରିପୋର୍ଟର ବିଭିନ୍ନ ଦିଗ ବିଷୟରେ ଆଲୋଚନା କରାଯାଇଥିଲା।’୨୦.୦୩.୨୦୧୩ ତାରିଖ ଓଡ଼ିଆ ଭାଷା ଶାସ୍ତ୍ରୀୟ ମାନ୍ୟତା ସବ୍କମିଟି ବୈଠକର ବିବରଣୀରେ କୁହାଯାଇଛି, ‘ପ୍ରାରମ୍ଭରୁ ଓଡ଼ିଆ ଅଧ୍ଯୟନ ଓ ଗବେଷଣା ସଂସ୍ଥା ପକ୍ଷରୁ ଡ. ଦେବୀ ପ୍ରସନ୍ନ ପଟ୍ଟନାୟକଙ୍କ ତତ୍ବାବଧାନରେ ପ୍ରସ୍ତୁତ ଭିତ୍ତି ପ୍ରବନ୍ଧର ଆଲୋଚନା ହୋଇ ଆବଶ୍ୟକୀୟ ତଥ୍ୟ ସହିତ ତାହାକୁ ଚୁଡାନ୍ତ ରୂପ ଦେବାପାଇଁ ସ୍ଥିର କରାଗଲା।’Classical status of Odia Language ର ଶିରୋନାମାରେ ଓଡ଼ିଶା ସରକାରଙ୍କଦ୍ବାରା କେନ୍ଦ୍ରିୟ କମିଟିକୁ ପ୍ରଦ ଏହି ବହିର ପ୍ରଥମ ପୃଷ୍ଠାରେ ଲେଖାଯାଇଛି -Classical status of Odia Language Document Prepared under the overall supervision of Dr Debi Prasanna Pattanayak Former Founder Director, CIIL, Mysore Retd. Addl. Secy., MHRD, Govt. of India with Sri Subrat Kumar Prusty, MA, LLB  ସେହି ଦଲିଲର ମୁଖବନ୍ଧରେ ଭାଷା ପ୍ରତିଷ୍ଠାନର ସେତେବେଳର ନିଦ୍ର୍ଧେଶକ ଏବଂ କମିଟିର ଯୁଗ୍ମ ଆବାହକ ଡ. ପ୍ରସନ୍ନ କୁମାର ମହାନ୍ତି ଓ ସଂସ୍କୃତି ବିଭାଗର ଡେପୁଟି ସେକ୍ରେଟେରି ଶ୍ରୀ ବିଜୟ ନାୟକ ଲେଖôଛନ୍ତି -“The document on the classical status of Odia language evolved from a base paper prepared by Dr DP Pattanayak and his associate Sri Subrat Kumar Prusty, under the aegies of Institute of Odia Studies and Research.” ଏହି ପୃଷ୍ଠାରେ ଅନ୍ୟାନ୍ୟ ସଂସ୍ଥା ସହିତ ଓଡିଆ ଅଧ୍ଯୟନ ଓ ଗବେଷଣା ସଂସ୍ଥାକୁ ମଧ୍ଯ ଧନ୍ୟବାଦ ଦେଇଛନ୍ତି।ସୁଭାଷ ମୋତେ ଭାଷା ବେପାରୀ ବୋଲି କହିଛନ୍ତି। ସିଏ ନିଜ ମାପରେ ପୃଥିବୀକୁ ମାପୁଛନ୍ତି। ସିଏ କଳାପତାକା ଆନ୍ଦୋଳନପାଇଁ କାହାଠାରୁ କେତେ ଟଙ୍କା ନେଇଛନ୍ତି ସେକଥା ମୁଁ ପଚାରୁ ନାହó। କିନ୍ତୁ ସେ କଳାପତାକା ଆନ୍ଦୋଳନପାଇଁ େଯଉଁ ପାଞ୍ଚଶହ ଟଙ୍କିଆ ବହି ଛପେଇଛନ୍ତି, ତହóରେ କେତେ ଲକ୍ଷ ଟଙ୍କାର ବିଜ୍ଞାପନ ହାତେଇଛନ୍ତି? ଏଥିରୁ ଭାଷାକୁ ନେଇ ବେପାର କରୁଛନ୍ତି କିଏ ପରିଷ୍କାର ହୋଇଯିବ। ଓଡିଆ ଅଧ୍ଯୟନ ଓ ଗବେଷଣା ସଂସ୍ଥା ଏକ ଘରୋଇ ବ୍ୟବସାୟ ପ୍ରତିଷ୍ଠାନ ନୁହେଁ। ଏହାର ଟ୍ରଷ୍ଟ ବୋର୍ଡରେ ଓଡ଼ିଶାର ବହୁ ବିଶିଷ୍ଟ ଲୋକ ଅଛନ୍ତି।ଏହାର ଜମାଖଚ୍ର୍ଚ ଓଡ଼ିଶାର ବିଶିଷ୍ଟ ଚାର୍ଟାର୍ଡ ଆକାଉାଟଙ୍କଦ୍ବାରା ପରୀକ୍ଷିତ ହୁଏ। ଏହା ସର୍ବସାଧାରଣଙ୍କପାଇଁ ଉପଲବ୍ଧ। ଆଉ ବ୍ୟକ୍ତିଗତ ଭାବରେ ମୁଁ ଲକ୍ଷଲକ୍ଷ ଟଙ୍କା କରିବା କଥା। ମୋ ବିରୁଦ୍ଧରେ ପ୍ରମାଣ ଖୋଜୁଖୋଜୁ ଭାଷା ପ୍ରତିଷ୍ଠାନ ଫାଇଲରୁ ମୁଁ ସତେଇଶ ହଜାର ଚେକ୍ ଫେରେଇ ଦେଇଥିବା ଦେଖô ଆଶ୍ଚର୍ଯ୍ୟ ହୋଇଯାଇଥିଲେ। ୨୦.୦୩.୨୦୧୩ ରେ ଓଡ଼ିଆ ଭାଷାର ଶାସ୍ତ୍ରୀୟ ମାନ୍ୟତା ସବ୍କମିଟି ବୈଠକରେ ଗୃହୀତ ପାରିତୋଷିକ ପ୍ରସ୍ତାବର ବିରୋଧ କରି ମୁଁ ଚେକ୍ ଫେରାଇ ଦେଇଥିଲି। ସୁବାଷ ଓ ତାଙ୍କ ଗବେଷକମାନେ ଏହି ଫେରେଇବା ପଛରେ ଷଡ଼ଯନ୍ର ଖୋଜୁଛନ୍ତି। ତାଙ୍କ ଭଳି ମାନସିକତାର ଲୋକ ଲେଖକର ସ୍ବାଭିମାନ ବୁଝିବା କଷ୍ଟ।ସୁଭାଷ ମୋ ନଁାରେ ଓଡ଼ିଆ ଅଧ୍ଯୟନ ଓ ଗବେଷଣା ସଂସ୍ଥାକୁ ଘର ଦେବା କଥା ଉଠେଇଛନ୍ତି। ଏହା ନିଜେ କାଚଘରେ ରହି ଅପରକୁ ଟେକା ପକେଇବା କଥା। ସାମ୍ବାଦିକତା ନଁାରେ ସେ ନିଜପାଇଁ ଘର ନେଇଥିବା କଥା ଭୁଲି ଯାଇଛନ୍ତି। ସାମ୍ବାଦିକତା ଛାଡି ନିଜ ସମ୍ବାଦ ବ୍ୟବସାୟ କଥା ଭୁଲି ଯାଇଛନ୍ତି। ତାଙ୍କ ଓ ମୋ ଘର ଭିତରେ ଫରକ ହେଉଛି େଯ ମୋତେ ଦିଆଯାଇଥିବା ଘର ଅନୁଷ୍ଠାନପାଇଁ ଆଉ ତାଙ୍କୁ ଦିଆଯାଇଥିବା ଘର ତାଙ୍କ ନିଜପାଇଁ । ଓଡିଆ ଅଧ୍ଯୟନ ଓ ଗବେଷଣା ସଂସ୍ଥା ଘରପାଇଁ ତିନି ବର୍ଷ ଧରି ଚିଠି ଲେଖା ଚାଲିଥିଲା। ସରକାର ପୂର୍ବରୁ ଗୋଟେ ଘର ଦେଇଥିଲେ। ମରାମତିପାଇଁ ସେ ଘର ସରକାର ନେବାପରେ ଏବେ ଆଉ ଗୋଟେ ଦେଇଛନ୍ତି। ଭାଷା ଆନ୍ଦୋଳନ ସହିତ ତାର କୌଣସି ସଂପର୍କ ନାହó। ମୋ ରହିବାପାଇଁ ମୋ ନିଜଘର ଓ ପିଲାଙ୍କ ଘର ପର୍ଯ୍ୟାପ୍ତ।ସୁଭାଷ ପଟ୍ଟନାୟକ ରାଜନୀତିରେ ଜାଗା ଖୋଜୁଛନ୍ତି। ତେଣୁ ମିଛକୁ ବାରମ୍ବାର କହିଲେ କିଛି ଲୋକ ତାକୁ ସତ ବୋଲି ମାନିନେବେ, ଗୋଏବଲସଙ୍କର ଏଇ ନୀତିର ପରୀକ୍ଷା ସିଏ କରୁଛନ୍ତି। କିନ୍ତୁ ଏଥିପାଇଁ ବ୍ୟକ୍ତିଗତ ଭାବେ ମତେ ବାଛି ସିଏ ବଡ ଭୁଲ କରିଛନ୍ତି। ବର୍ତମାନ ମୋର ତାଙ୍କୁ ଆହ୍ବାନ େଯ ସେ ଅଭଦ୍ର ଓ ଅଶ୍ଲୀଳ ଭାଷା ପ୍ରୟୋଗ କରି ମୋ ବିରୁଦ୍ଧରେ େଯଉଁ ମିଛ ଅଭିେଯାଗ ବାରମ୍ବାର ପ୍ରଚାର କରୁଛନ୍ତି, ତାହା ବନ୍ଦ କରନ୍ତୁ। ସେଥିପାଇଁ ନିଃସତ୍ର୍ତ ଭୁଲ ମାନନ୍ତୁ ଓ କ୍ଷମା ମାଗନ୍ତୁ।

 ଦେବୀ ପ୍ରସନ୍ନ ପଟ୍ଟନାୟକ, ଭୁବନେଶ୍ବର

About surendrahota

Leave a Reply

%d bloggers like this:
Skip to toolbar